老字號醉名廚一向以自家製貴價食品出名，最近該店在九龍城開設雜貨店，除了售賣招牌作──鮑魚，還有印尼麝香貓咖啡、意大利果醋、西班牙黑毛豬火腿、芝士蛋糕等高級歐陸雜貨。負責人黃先生說：「有好多貨都係獨家代理，好似芝士蛋糕咁，都係請到香港五星級酒店大廚為我哋製作，第二度唔會有。」打着高檔、正貨及獨家代理的旗號，該店吸引不少闊太光顧，但黃先生不肯透露貴客身份。
醉名廚售賣的自家製食品，主要有港式老火湯及花雕上海系列等食品。早前於 THE ONE超市開設專櫃售賣鮑魚，至於九龍城新店售賣的高級歐陸式雜貨是世界各地，包括法國、意大利、比利時、瑞士、日本、韓國等地搜羅的不同類型優質食品，當中不乏鮑參翅肚、紅酒及鵝肝等矜貴食材。
新加坡潮州發記酒家大廚李長豪主理的溏心蠔皇南非乾鮑，每隻售 3000元。
不少闊太都喜愛到醉名廚購買即食貴價食品。
意大利果醋 Aceto Balsamico Tradizonale，每公升精華均由 60公升葡萄壓榨成。 100毫升支裝售 900元。
韓國黃金一品鮑，每罐 438元。
醉名廚搜羅世界各地食品，種類繁多。
各式乾鮑鮮鮑均有售
不過，焦點仍是鮑魚，店裏堪稱「 Abalone Arena」──鮑魚競技場，乾鮑和鮮鮑來自南非、澳洲、日本、台灣、韓國、墨西哥等不同國家，多達十個品牌，包括醉名廚自家品牌、蔡瀾監製的日本鮑皇、香港十大名廚之一李駒的私房菜鮑魚、大喜慶高榮新師傅的私房秘方鮑魚。其中醉名廚的韓國黃金一品鮑，特意把鮑魚從韓國境內的無污染莞島帶到香港，是香港首家引入韓國莞島鮑魚罐頭的店舖，每罐 438元。
印尼麝香貓咖啡，有咖啡豆或咖啡粉，每 100克售 1800元。
意大利 Versace紅酒，葡萄產自西西里島，充滿果香及橡木味。著名設計師 Versace設計商標，醉名廚獨家代理，每瓶 400元。
新同樂魚翅酒家牛肋骨，醬汁香濃，每件售 118元。
由香港五星級大廚自製的美國芝士餅，每個售 128元。
名廚主理 7日前預定
該店還引入了新加坡潮州發記酒家李長豪師傅主理的即食乾鮑──溏心蠔皇南非乾鮑，可說是該店王牌，選用一級南非 8頭乾鮑製成，隻隻溏心，切時感到黏刀的張力，每隻售 3000元。即食乾鮑利用真空包裝，客人只需加熱便可享用，省卻燜煮時間。售賣即食乾鮑的店舖，本港並不常見，是該店首創，黃先生說，由於處理乾鮑魚工序繁複，要經過洗淨、處理、燜熬、保存等。「出面真係冇乜人會咁做，錯咗一個 step就全部都唔要得，但係我哋有好多名廚主理，所以唔驚。」如碰巧沒存貨，預定時間需 7至 10天。
除了鮑魚，醉名廚還有多位名廚及星級食府炮製的佳餚出售，包括米芝蓮三星食府新同樂魚翅酒家都在陣內，新同樂著名美食──牛肋骨便在該店有售。牛肋骨醬汁香濃，完全滲入牛肉裏頭，鬆化不粗�，甘香之味久存於口腔內，每件 118元。因應冬至將到，醉名廚與新同樂推出限定期間盆菜，售價待定。黃先生說，「想方便客人可以一站式買到頂級嘅好嘢食，加熱就食得，適合香港人忙碌嘅生活。」
記者：張芷茵 攝影：羅君豪
Party之選 甜品到會
醉名廚店內設堂食位置，「其實唔係話 set死係堂食，只不過有時啲客想即時食，咁都要有個空間畀佢哋坐低品嚐，又可以傾吓偈。」該店還可代客訂貨，不少客人會訂購鮑魚回家與家人享用。另外亦有公司預定甜品，「會送到去佢哋嘅寫字樓，方便開 party。」
日本禾麻乾鮑最靚
通泰行總經理李廣林（圖）表示，要數最靚乾鮑魚，日本的禾麻就最好。「日本有特殊嘅方法去處理，乾燥嘅技術掌握得最好。」不過要將乾鮑魚處理得好、煮得好吃並非易事。
李廣林說，要煮靚鮑魚，有時候都要花上幾天時間。「煮乾鮑魚好麻煩，好考耐性同埋好花工夫、時間。」皆因乾鮑要浸發、炆煮、翻動、熬製，若沒有完善的設備或火侯掌握得不好，靚鮑魚就毀於一旦。他提議，「若果唔係要日日食嘅話，都係搵大師傅主理好啲。」至於問到那個師傅煮得最好，他說每個都各師各法、各有睇頭。
(Source : http://www.appledaily.com.hk)
Posts
No comments:
Post a Comment